പാഷനെ ബ്രാന്ഡാക്കി, ഫാഷന് ലോകത്തേക്ക്; Queenaura യുടെ ആത്മവിശ്വാസമുള്ള തുടക്കം
ഫാഷന് ലോകത്ത് ഓരോ പുതിയ ബ്രാന്ഡും ഒരു പുതിയ ആശയവും ആത്മവിശ്വാസവുമാണ് കൊണ്ടുവരുന്നത്. അത്തരത്തില് സ്റ്റൈലിനെയും ഗുണമേന്മയെയും ഒരുമിപ്പിച്ച് ശ്രദ്ധ നേടുന്ന പുതിയ ബ്രാന്ഡാണ് Queenaura. തിരുവനന്തപുരം വര്ക്കല സ്വദേശിനി സിജി ആരംഭിച്ച ഈ ക്ലോത്തിങ് ബ്രാന്ഡ്, വളരെ കുറച്ചുസമയം കൊണ്ടുതന്നെ ഫാഷന് പ്രേമികളുടെ ശ്രദ്ധ പിടിച്ചുപറ്റുകയാണ്.
നാഷണല് സെന്റര് ഫോര് എര്ത്ത് സയന്സ് സ്റ്റഡീസില് പ്രിന്സിപ്പല് ഇന്വസ്റ്റിഗേറ്ററായി ജോലി ചെയ്യുന്ന സിജി, അതോടൊപ്പം പി.എച്ച്.ഡി പഠനവും തുടരുകയാണ്. തിരക്കേറിയ ഈ പ്രൊഫഷണല് ജീവിതത്തിനിടയിലും ഫാഷനോടുള്ള താല്പര്യം വിട്ടുകളയാതെ, അതിനെ ഒരു ബ്രാന്ഡാക്കി മാറ്റുകയാണ് അവര് ചെയ്തത്. അതിന്റെ ഫലമായാണ് Queenaura എന്ന സംരംഭത്തിന്റെ ആരംഭം.
വെറും ഒരു മാസം മുമ്പാണ് Queenaura പ്രവര്ത്തനം ആരംഭിച്ചത്. എന്നാല് തുടക്കത്തില് തന്നെ മികച്ച ക്വാളിറ്റിയും വ്യത്യസ്തമായ ഡിസൈനുകളും കൊണ്ടാണ് ഈ ബ്രാന്ഡ് ശ്രദ്ധ നേടുന്നത്. ലേഡീസ് ക്ലോത്തിങ് ബ്രാന്ഡായ Queenaura യില് കുര്ത്തികള്, കോഡ് സെറ്റുകള്, വെസ്റ്റേണ് വെയര്, സാരികള് എന്നിവയാണ് നിലവില് ഒരുക്കിയിരിക്കുന്നത്. സ്റ്റൈലിനൊപ്പം കംഫോര്ട്ടും പ്രാധാന്യമുള്ള രീതിയിലാണ് ഇവിടെ ഓരോ ഡിസൈനും തയ്യാറാക്കുന്നത്.
Queenaura യുടെ ഏറ്റവും വലിയ പ്രത്യേകത ‘ക്വാളിറ്റി’യോട് കാണിക്കുന്ന വിട്ടുവീഴ്ചയില്ലാത്ത സമീപനമാണ്. അതുകൊണ്ടുതന്നെ സൂറത്ത് പോലുള്ള പ്രധാന ടെക്സ്റ്റൈല് കേന്ദ്രങ്ങളില് നേരിട്ട് പോയി മെറ്റീരിയലുകള് തിരഞ്ഞെടുത്ത് ഗുണമേന്മ ഉറപ്പുവരുത്തിയതിന് ശേഷമാണ് ഓരോ ഡ്രസ്സും ഒരുക്കുന്നത്. സ്വന്തം ആശയങ്ങളും ട്രെന്ഡുകളും ചേര്ത്താണ് ഡിസൈനുകള് തയ്യാറാക്കുന്നത് എന്നതും ഈ ബ്രാന്ഡിന്റെ പ്രത്യേകതയാണ്.
നിലവില് ഇന്സ്റ്റഗ്രാം, ഫേസ്ബുക്ക് പോലുള്ള സോഷ്യല് മീഡിയ പ്ലാറ്റ്ഫോമുകളിലൂടെയാണ് Queenaura പ്രവര്ത്തിക്കുന്നത്. ഓണ്ലൈന് വഴിയുള്ള ഓര്ഡറുകള് സ്വീകരിച്ച് ഉപഭോക്താക്കള്ക്ക് മികച്ച സേവനം നല്കാനാണ് അവരുടെ ശ്രമം.
സിജിയും അവരുടെ കസിന് സൂരജും ചേര്ന്നാണ് ഈ സംരംഭം ആരംഭിച്ചത്. ആ കുടുംബ പിന്തുണയും ആത്മവിശ്വാസവുമാണ് ഈ പുതിയ ബ്രാന്ഡിന്റെ ശക്തി. ജോലിയും പഠനവും സംരംഭവും ഒരുമിച്ച് മുന്നോട്ട് കൊണ്ടുപോകുന്ന സിജിയുടെ ഈ യാത്ര, പുതിയതായി എന്തെങ്കിലും തുടങ്ങാന് ആഗ്രഹിക്കുന്നവര്ക്ക് വലിയ പ്രചോദനമാണ്.
ഭാവിയില് Queenaura യെ കൂടുതല് വിപുലീകരിച്ച് കിഡ്സ് വെയറും മെന്സ് വെയറും കൂടി അവതരിപ്പിക്കാനാണ് സിജിയുടെ പദ്ധതി. ഒരിക്കല് ലോകം തിരിച്ചറിയുന്ന ബ്രാന്ഡായി Queenaura യെ വളര്ത്തുക എന്നതാണ് അവരുടെ വലിയ സ്വപ്നം. കൂടാതെ, ബിസിനസ് കൂടുതല് ഉയരങ്ങളിലെത്തുമ്പോള് അതിലൂടെ സമൂഹത്തിനായി ചാരിറ്റി പ്രവര്ത്തനങ്ങളും നടത്തണമെന്ന ആഗ്രഹവും അവര് പങ്കുവെക്കുന്നു.
ഒരു ചെറിയ ആശയമായി തുടങ്ങിയ Queenaura ഇന്ന് വലിയൊരു സ്വപ്നത്തിന്റെ തുടക്കമാണ്. പുതിയ ആശയവും ഉറച്ച ഗുണമേന്മയും കൊണ്ട് ഫാഷന് ലോകത്ത് ശ്രദ്ധ നേടാനൊരുങ്ങുകയാണ് Queenaura. സ്റ്റൈലിനും ക്വാളിറ്റിക്കും ഒരുപോലെ പ്രാധാന്യം നല്കുന്നവര്ക്ക്, ഈ പുതിയ ബ്രാന്ഡ് തീര്ച്ചയായും ഒരു മികച്ച തിരഞ്ഞെടുപ്പായിരിക്കും.
https://www.facebook.com/share/1BkmhpDor9
https://www.youtube.com/@queenaura-uniquewomen
