ഓരോ ചിത്രവും വിശ്വാസത്തിന്റെ കയ്യൊപ്പ്; Frames of Azeem ന്റെ വിജയകഥ
ഒരു ചിത്രം ആയിരം വാക്കുകള്ക്ക് തുല്യമാണെന്ന് പറയാറുണ്ട്. എന്നാല് ചില ചിത്രങ്ങള് അതിലും വലിയ കഥകളാണ് പറയുന്നത്. ഓരോ നിമിഷത്തിന്റെയും വികാരവും സൗന്ദര്യവും അതേ തീവ്രതയില് പകര്ത്തി, കാലം മായ്ക്കാനാകാത്ത ഓര്മകളാക്കി മാറ്റുക എന്നതാണ് ഒരു മികച്ച ഫോട്ടോഗ്രാഫറുടെ ദൗത്യം. ആ ദൗത്യം ആത്മാര്ത്ഥതയോടെയും കലാപരമായ കാഴ്ചപ്പാടോടെയും നിറവേറ്റിക്കൊണ്ടിരിക്കുകയാണ് മലപ്പുറം സ്വദേശി അസീം ഇന്ഫാസ്. ഇന്ന് Frames of Azeem എന്ന ബ്രാന്ഡ് വിശ്വാസത്തിന്റെയും മികച്ച നിലവാരത്തിന്റെയും പേരായി വളര്ന്നുകഴിഞ്ഞു.
2020 ലാണ് അസീം ഫോട്ടോഗ്രാഫി മേഖലയിലേക്ക് ചുവടുവെക്കുന്നത്. തുടക്കത്തില് മൂന്ന് വര്ഷത്തോളം അസിസ്റ്റന്റായും ലൈറ്റ് ബോയിയായും പ്രവര്ത്തിച്ച് ഈ മേഖലയിലെ ഓരോ പാഠവും നേരിട്ടറിഞ്ഞു. പഠിക്കാനുള്ള മനസ്സും കഠിനാധ്വാനവും കൈമുതലാക്കി, പിന്നീട് സ്വന്തമായി ക്യാമറ വാങ്ങി സ്വതന്ത്രമായി വര്ക്കുകള് ആരംഭിച്ചു. കഴിഞ്ഞ ഒരു വര്ഷമായി വീഡിയോ എഡിറ്റിങ് മേഖലയിലും തന്റെ കഴിവ് തെളിയിച്ചുകൊണ്ടിരിക്കുകയാണ് അദ്ദേഹം.
ഒരു സുഹൃത്തിന്റെ പ്രചോദനമാണ് അസീമിനെ ഈ മേഖലയിലേക്ക് എത്തിച്ചത്. എന്നാല് ഇന്ന് അദ്ദേഹത്തെ വ്യത്യസ്തനാക്കുന്നത് ക്യാമറയല്ല, ക്ലെയ്ന്റിന്റെ സ്വപ്നങ്ങളെ മനസ്സിലാക്കുന്ന സമീപനമാണ്. ഓരോ വ്യക്തിയുടെയും ആവശ്യങ്ങള് ശ്രദ്ധാപൂര്വം കേട്ടറിഞ്ഞ്, അവരുടെ പ്രതീക്ഷകള്ക്കപ്പുറം മികച്ച ഫലമാണ് Frames of Azeem നല്കുന്നത്. വെഡ്ഡിങ് ഷൂട്ടുകള് മുതല് വിവിധതരം പ്രോജക്ടുകള് ഒരേ നിലവാരത്തിലും ആത്മാര്ത്ഥതയിലും മനോഹരമായി ഒരുക്കുന്നതാണ് ഈ ബ്രാന്ഡിന്റെ ഏറ്റവും വലിയ പ്രത്യേകത.
ഫോട്ടോഗ്രാഫര്മാരുടെ എണ്ണം വര്ധിക്കുകയും മത്സരം ശക്തമാവുകയും ചെയ്യുന്ന ഇന്നത്തെ കാലത്ത്, അസീം തന്റെ സ്ഥാനമുറപ്പിച്ചത് ഗുണമേന്മയുള്ള വര്ക്കുകളിലൂടെയാണ്. ഓരോ പ്രോജക്ടും മുന്പത്തേതിനേക്കാള് മികച്ചതാക്കാനുള്ള പരിശ്രമവും ക്ലെയ്ന്റുകളുടെ വിശ്വാസവും അദ്ദേഹത്തിന്റെ വളര്ച്ചയുടെ അടിത്തറയായി. ഇന്സ്റ്റഗ്രാമിലൂടെയും സന്തുഷ്ടരായ ക്ലെയ്ന്റുകളുടെ ‘മൗത്ത് പബ്ലിസിറ്റി’യിലൂടെയും Frames of Azeem ഇന്ന് ശക്തമായൊരു ‘ക്ലെയ്ന്റ് സപ്പോര്ട്ട്’ സ്വന്തമാക്കിയിട്ടുണ്ട്.
ഈ യാത്രയില് അസീമിന്റെ ഏറ്റവും വലിയ പ്രചോദനവും പിന്തുണയും നല്കിയവര് സാലിം പി.സിയും അനീഷ് പോഫോയും മിഥിലാജുമാണ്. ഒരു അസിസ്റ്റന്റായി അവസരം നല്കി, പഠിക്കാനും വളരാനും വഴിയൊരുക്കിയ അവരുടെ പിന്തുണയാണ് ഇന്ന് സ്വന്തം ബ്രാന്ഡുമായി ആത്മവിശ്വാസത്തോടെ മുന്നേറാന് അസീമിന് കരുത്തായത്.
കുടുംബത്തിന്റെ അചഞ്ചലമായ പിന്തുണയും തന്റെ സ്വപ്നത്തോടുള്ള അര്പ്പണബോധവും ചേര്ന്നപ്പോള് Frames of Azeem എന്ന ബ്രാന്ഡ് കൂടുതല് ശക്തമായി വളര്ന്നു. ഇന്ത്യയില് മാത്രമല്ല, വിദേശരാജ്യങ്ങളിലേക്കും തന്റെ ബ്രാന്ഡിന്റെ സാന്നിധ്യം വ്യാപിപ്പിക്കണമെന്നതാണ് അസീമിന്റെ അടുത്ത ലക്ഷ്യം.
ഓരോ നിമിഷവും മനോഹരമായ ഫ്രെയിമുകളാക്കി ജീവിതകാലം മുഴുവന് സൂക്ഷിക്കാവുന്ന ഓര്മകളാക്കി മാറ്റുന്ന വിശ്വസനീയമായ പേരാണ് ഇന്ന് Frames of Azeem. ഓരോ ക്ലിക്കിലും ഗുണമേന്മയും ഓരോ ഫ്രെയിമിലും വിശ്വാസവും പകര്ത്തി ഈ ബ്രാന്ഡ് ഇനിയും ഉയരങ്ങളിലേക്ക് മുന്നേറുകയാണ്.
