ഒരു സ്ത്രീയുടെ ജീവിതത്തില് മാറ്റങ്ങള് വരുമ്പോള് പലപ്പോഴും പുതിയ സ്വപ്നങ്ങളും ജനിക്കുന്നു. ആ സ്വപ്നങ്ങളെ പിന്തുടര്ന്ന് സ്വന്തമായൊരു ലോകം സൃഷ്ടിക്കാന് ധൈര്യം കാണിക്കുന്നവരാണ് യഥാര്ത്ഥ വിജയികള്. അത്തരത്തില്, സ്വന്തം ഇഷ്ടങ്ങളെയും ആത്മവിശ്വാസത്തെയും ചേര്ത്ത് ഒരു ബ്രാന്ഡാക്കി മാറ്റിയ കഥയാണ് Nila ജ്വല്ലറി കളക്ഷന്സ്.
കോഴിക്കോട് സ്വദേശിനിയായ സുഹൈലയാണ് Nila യുടെ സ്ഥാപക. 2025ല് ആന്റി ടെര്നിഷ്ഡ് ജ്വല്ലറി കളക്ഷനുകളുമായാണ് ഈ സംരംഭയാത്ര ആരംഭിച്ചത്. ഇന്ന് Nila യില് ട്രെന്ഡിയായ ആന്റി ടെര്നിഷ്ഡ് പീസുകള് മുതല് പാരമ്പര്യത്തിന്റെ ഭംഗി നിറഞ്ഞ ട്രഡിഷണല് കളക്ഷനുകള് വരെ എല്ലാ തരത്തിലുള്ള ജ്വല്ലറികളും ലഭ്യമാണ്. ഓണ്ലൈന് പ്ലാറ്റ്ഫോമിലൂടെ പ്രവര്ത്തിക്കുന്ന Nila, സ്റ്റൈലിനെയും ക്വാളിറ്റിയെയും ഒരുപോലെ മുന്നിര്ത്തുന്ന ഒരു വിശ്വാസനാമമായി മാറിക്കൊണ്ടിരിക്കുകയാണ്.
പ്രഗ്നന്സിക്ക് ശേഷമാണ് സുഹൈലക്ക് സ്വന്തമായി എന്തെങ്കിലും ആരംഭിക്കണമെന്ന ആഗ്രഹം ശക്തമായത്. ജ്വല്ലറികളോടുള്ള തന്റെ ഇഷ്ടം തന്നെ അവരെ ഈ മേഖലയിലേക്ക് നയിച്ചു. കേരളത്തിന് പുറത്ത് നിന്ന് മികച്ച ജ്വല്ലറി കളക്ഷനുകള് തിരഞ്ഞെടുത്ത് കൊണ്ടുവന്ന്, ഓരോ ഉപഭോക്താവിനും വ്യത്യസ്തമായ സ്റ്റൈല് അനുഭവം നല്കുകയാണ് Nilaയുടെ ലക്ഷ്യം.
Nilaയുടെ ഏറ്റവും വലിയ പ്രത്യേകത ക്വാളിറ്റിയോടുള്ള വിട്ടുവീഴ്ചയില്ലാത്ത സമീപനമാണ്. ഓരോ പീസും സൂക്ഷ്മമായി തിരഞ്ഞെടുക്കുകയും ദൈര്ഘ്യമേറിയ ഉപയോഗത്തിനും ഭംഗിക്കും ഒരുപോലെ പ്രാധാന്യം നല്കുകയും ചെയ്യുന്നു. അതുകൊണ്ടുതന്നെ, സംരംഭം ആരംഭിച്ച് ഒരു വര്ഷം പൂര്ത്തിയാകുന്നതിന് മുമ്പ് തന്നെ Nila യ്ക്ക് സ്വന്തമായൊരു ഐഡന്റിറ്റി നേടാന് കഴിഞ്ഞു.
ഇന്ന് കേരളത്തിലാകെയും ഇന്ത്യയിലാകെയും Nila യുടെ ഡെലിവറി ലഭ്യമാണ്. പ്രധാനമായും ഇന്സ്റ്റഗ്രാം പേജ് വഴിയാണ് ഓര്ഡറുകള് ലഭിക്കുന്നത്. കുടുംബത്തിന്റെ പിന്തുണയാണ് ഈ വിജയത്തിന്റെ അടിത്തറ. ഒരു ഡിസൈനര് കൂടിയായ പിതാവ് അസീസാണ് ബ്രാന്ഡിന്റെ ലോഗോ രൂപകല്പ്പന ചെയ്തതും, ഭര്ത്താവ് റമീഷ് എല്ലാ ഘട്ടങ്ങളിലും ഒപ്പമുണ്ടായതും Nilaയുടെ വളര്ച്ചയില് വലിയ പങ്കുവഹിച്ചു.
ഭാവിയില്, ജ്വല്ലറി കളക്ഷനുകള്ക്കൊപ്പം പെണ്കുട്ടികള്ക്കായുള്ള മറ്റു ആക്സസറീസുകളും ഉള്പ്പെടുത്തി ബ്രാന്ഡിനെ കൂടുതല് വിപുലീകരിക്കാനാണ് സുഹൈലയുടെ പദ്ധതി. അതിനൊപ്പം തന്നെ, ഓണ്ലൈന് സംരംഭത്തില് നിന്ന് ഒരു ഫിസിക്കല് സ്റ്റോറും, ബുട്ടിക്കുമാണ് സുഹൈലയുടെ അടുത്ത വലിയ സ്വപ്നം.
Nila ഒരു സ്ത്രീയുടെ ആത്മവിശ്വാസത്തിന്റെ പ്രതിഫലനമാണ്. ചെറിയൊരു ആഗ്രഹത്തില് നിന്ന് ആരംഭിച്ച ഈ യാത്ര ഇന്ന് നിരവധി സ്ത്രീകളുടെ തിരഞ്ഞെടുപ്പായി മാറിക്കൊണ്ടിരിക്കുകയാണ്. നാളെയുടെ വലിയ സ്വപ്നങ്ങളിലേക്ക് ആത്മവിശ്വാസത്തോടെ മുന്നേറുന്ന Nila, ഇനിയും കൂടുതല് ഉയരങ്ങളിലേക്ക് പറക്കുകയാണ്.
