വിശ്വാസ്യത, 24 മണിക്കൂര്‍ പ്രവര്‍ത്തന സന്നദ്ധത; അനന്തപുരിയുടെ അഭിമാനമായി അഭി പാക്കേഴ്‌സ് & മൂവേഴ്‌സ്
സ്വന്തമായി ഒരു ഓഫീസ് ഇല്ലാത്തതോ വാടകയ്ക്ക് വീട് നോക്കുന്നവര്‍ക്കോ എപ്പോഴും അനുഭവിക്കേണ്ടിവരുന്ന ഒരു പ്രതിസന്ധിയാണ് സാധനങ്ങള്‍ ഷിഫ്റ്റ് ചെയ്യുക എന്നത്. വിലപിടിപ്പുള്ളതും പൊട്ടുന്നതുമായ സാധനങ്ങള്‍ ഉള്‍പ്പെടെ ഒരു സ്ഥലത്ത് നിന്ന് മറ്റൊരു സ്ഥലത്തേക്ക് മാറ്റുമ്പോള്‍ വളരെയധികം ശ്രദ്ധിക്കേണ്ടതുണ്ട്. പലപ്പോഴും അനുയോജ്യരായ തൊഴിലാളികളെ പോലും ലഭിക്കാറില്ല. പ്രത്യേകിച്ച്, തിരക്കേറിയ ഒരു നഗരത്തില്‍. അങ്ങനെയുള്ള സാഹചര്യത്തില്‍ എന്തുകൊണ്ടും കണ്ണടച്ച് ബന്ധപ്പെടാവുന്ന സംരംഭമാണ് തിരുവനന്തപുരം കേന്ദ്രമായി പ്രവര്‍ത്തിക്കുന്ന അഭി പാക്കേഴ്‌സ് ആന്‍ഡ് മൂവേഴ്‌സ്.
അങ്ങേയറ്റം ഉത്തരവാദിത്വത്തോടെയും വളരെ കുറഞ്ഞ ചെലവിലും വീട്, ഓഫീസ് തുടങ്ങിയവയ്ക്ക് വേണ്ട എല്ലാ സര്‍വീസുകളും ഒരു കുടക്കീഴില്‍ സംയോജിപ്പിക്കുകയാണ് അഭി പാക്കേഴ്‌സ് ആന്‍ഡ് മൂവേഴ്‌സ്. 2018ല്‍ പ്രവര്‍ത്തനമാരംഭിച്ച ഈ സംരംഭത്തിന്റെ അമരക്കാരനായി പ്രവര്‍ത്തിക്കുന്നത് അഭിജിത്ത് എന്ന സംരംഭകനാണ്.
2016 – 17 കാലഘട്ടത്തില്‍ ഒരു സവാരി ഓട്ടോയില്‍ നിന്ന് ചെറിയ തോതില്‍ ആരംഭിച്ച ബിസിനസാണ് ഇന്ന് ഇദ്ദേഹത്തെ തിരുവനന്തപുരത്തിന്റെ മുക്കിലും മൂലയിലും കസ്റ്റമേഴ്‌സുള്ള ഒരു സ്ഥാപനമാക്കി മാറ്റിയത്. തുടക്കകാലത്ത് നിരവധി പ്രതിസന്ധികള്‍ അഭിമുഖീകരിക്കേണ്ടി വന്നപ്പോഴും കഠിനമായ പരിശ്രമവും രാപ്പകല്‍ ഇല്ലാതെയുള്ള അധ്വാനവും അദ്ദേഹത്തെ തന്റെ ലക്ഷ്യത്തിലേക്ക് എത്തിക്കുകയായിരുന്നു.
തുടക്കകാലത്ത് ബിസിനസിനെ പറ്റി വലിയ ധാരണയില്ലായിരുന്നെങ്കില്‍ പോലും നിരന്തരമായുള്ള അന്വേഷണവും പഠനവുമാണ് അദ്ദേഹത്തെ മുന്നോട്ടുള്ള യാത്രയില്‍ കൂടുതലും തുണച്ചത്. തന്റെ ബിസിനസിന്റെ വളര്‍ച്ചയ്ക്കും മുന്നോട്ടുള്ള ഭാവിക്കുവേണ്ടി കെഎസ്ആര്‍ടിസി സ്വിഫ്റ്റിലെ ഡ്രൈവര്‍ ട്രെയിനര്‍ എന്ന ജോലി പോലും ഉപേക്ഷിക്കുവാന്‍ ഇദ്ദേഹം തയ്യാറായി. തല്‍ബലമായി ഇന്ന് നിരവധി സര്‍വീസുകള്‍ നല്‍കുന്നതോടൊപ്പം വിരലിലെണ്ണാന്‍ കഴിയുന്നതിലും അധികം കസ്റ്റമേഴ്‌സിനെ നേടി വിജയ കൊടുമുടിയില്‍ ഒരു മികച്ച സംരംഭകന്റെ നിലയില്‍ തലയുയര്‍ത്തി നില്‍ക്കുവാന്‍ ഇദ്ദേഹത്തിന് അവസരം ലഭിച്ചു.
പാക്കേഴ്‌സ് ആന്‍ഡ് മുവേഴ്‌സ്, ഹോം ഷിഫ്റ്റിംഗ്, കാബ് സര്‍വീസിസ്, വെഹിക്കിള്‍ റെന്റല്‍സ്, കാള്‍ ഡ്രൈവേഴ്‌സ്, ആര്‍ടിഒ കണ്‍സള്‍ട്ടന്‍സ്, ഹൗസ് ക്ലീനിങ്, സാനിറ്റേഷന്‍, ഇലക്ട്രിഷ്യന്‍സ്, പ്ലമ്പേഴ്‌സ്, പെയിന്റേഴ്‌സ് തുടങ്ങിയ സേവനങ്ങളാണ് പ്രധാനമായും അഭി പാക്കേഴ്‌സ് ആന്‍ഡ് മൂവേഴ്‌സ് നല്‍കിവരുന്നത്. നൂറുശതമാനം വിശ്വാസ്യതയോടെ, ഇരുപത്തിനാലു മണിക്കൂറും പ്രവര്‍ത്തിക്കുന്ന ഈ സംരംഭം ബിസിനസിന്റെ അടുത്തഘട്ടം എന്ന നിലയില്‍ കോട്ടയത്ത് കോട്ടയം പാക്കേഴ്‌സ് & മൂവേഴ്‌സ് എന്ന പേരില്‍ മറ്റൊരു സ്ഥാപനം കൂടി ആരംഭിക്കുവാനുള്ള തയ്യാറെടുപ്പിലാണ് അഭിജിത്ത്.
കൂടുതല്‍ വിവരങ്ങള്‍ക്ക്: 9746747770
Abhi Packers & Movers
Near Union bank of India, Sreekaiyam,
Trivandrum, Kerala
