ഡിജിറ്റല്‍ അസെറ്റുകളുടെ ആഗോള മുഖമായിആര്‍ട്ടിസ്റ്റ് അജയ് പുരുഷോത്തമന്റെ സൃഷ്ടികള്‍…
ക്രിപ്‌റ്റോ, ബ്ലോക്ക് ചെയ്ന്‍ മേഖലയില്‍ മൂല്യവര്‍ദ്ധനവിന്റെ ‘NFT’ കളായി മാറുകയാണ് ഈ കലാകാരന്റെ സംഭാവനകള്‍…
സഹ്യന്‍ ആര്‍.
ഒരിക്കല്‍ ന്യൂയോര്‍ക്ക് സിറ്റിയില്‍ നടന്ന NFT, NYC ആനുവല്‍ ഇവന്റിന്റെ ഭാഗമായി ടൈംസ് സ്‌ക്വയറിലെ ബില്‍ ബോര്‍ഡുകളില്‍ നമ്മുടെ നാട്ടുകാരനായ ഒരു കലാകാരന്റെ ഡിജിറ്റല്‍ സൃഷ്ടിയായ നോണ്‍ ഫന്‍ജിബിള്‍ ടൊക്കണുകള്‍ (NFT) പ്രത്യക്ഷപ്പെട്ടു. ഗ്ലോബല്‍ എന്‍ എഫ് ടി കമ്മ്യൂണിറ്റിയുടെ ഭാഗമായ നിരവധി രാജ്യങ്ങളില്‍ നിന്നുള്ള പ്രതിനിധികള്‍ക്കിടയില്‍ ഏറെ ശ്രദ്ധിക്കപ്പെട്ട, ഡിജിറ്റല്‍ അസ്സറ്റുകളുടെ ഭാവിയെത്തന്നെ സ്വാധീനിക്കാന്‍ പോന്ന, യൂണിക്കായ NFTകള്‍ ‘അജയ് പുരുഷോത്തമന്‍’ എന്ന ആര്‍ട്ട് ഡയറക്ടറുടെതായിരുന്നു…
ആര്‍ട്ടിനോടുള്ള അടങ്ങാത്ത പാഷനും പ്രതിബദ്ധതയും ചേര്‍ന്ന കലാജീവിത യാത്രയില്‍ ആര്‍ജിച്ച, ഒരു പതിറ്റാണ്ടിലേറെയുള്ള പരിചയസമ്പത്തുകൊണ്ട് അജയ് പുരുഷോത്തമന്‍ അവതരിപ്പിച്ച ഇന്നവേറ്റീവ് ആശയങ്ങള്‍ ഇപ്പോള്‍ ക്രിപ്‌റ്റോ, ബ്ലോക്ക് ചെയിന്‍ രംഗത്ത് തരംഗമാവുകയാണ്. NFT ട്രേഡിങ്ങില്‍ ഏറെ പ്രചാരത്തിലുള്ള ‘ടോയ് ഫെയ്‌സ്’ പ്രൊഫൈലുകളാണ് അജയ് പുരുഷോത്തമന്റെ വര്‍ക്കുകളുടെ മുഖമുദ്ര. ഇത്തരത്തില്‍ വളരെ യൂണീക്കായി അജയ് വികസിപ്പിച്ചെടുക്കുന്ന ഡിജിറ്റല്‍ ആര്‍ട്ട് രൂപങ്ങള്‍ക്ക് കലാമൂല്യത്തോടൊപ്പം അതിനെക്കാള്‍ ഏറെ ‘കൊമേഴ്‌സ്യല്‍ വാല്യു’വും ലഭിക്കുന്നുണ്ട്. നാളിതുവരെ അജയ് പുരുഷോത്തമന്റെ ഭാവനയില്‍ മെനഞ്ഞെടുത്ത മൂവായിരത്തോളം നോണ്‍ ഫണ്‍ജിബിള്‍ ടോക്കണുകള്‍ വിറ്റു കഴിഞ്ഞു!.
ഒരു കാര്‍ട്ടൂണ്‍ പ്രേമി കൂടിയായ അജയ് പ്ലസ് ടു പഠനശേഷം അക്കാലത്ത് ഏറെ തരംഗമായ അവതാര്‍ സിനിമയില്‍ നിന്നും പ്രചോദനമുള്‍ക്കൊണ്ടുകൊണ്ട് ഗ്രാഫിക് ഡിസൈനിങ ്& ആനിമേഷന്‍ കോഴ്‌സ് ഉപരിപഠനത്തിനായി തിരഞ്ഞെടുത്തു. തുടര്‍ന്ന് 2D ആര്‍ട്ട് വര്‍ക്ക്, ആനിമേഷന്‍ വര്‍ക്കുകള്‍ തുടങ്ങിയവയിലൂടെ ഗ്രാഫിക്‌സ് ആര്‍ട്ട് മേഖലയില്‍ ധാരാളം സംഭാവനകള്‍ നല്‍കാന്‍ ഈ കലാകാരന് കഴിഞ്ഞു. ഒരു കൗതുകത്തെ തുടര്‍ന്ന് ടോയ് ഫെയ്‌സുകളുടെ കളക്ഷന്‍ ആരംഭിച്ചതോടെയാണ് അജയ് NFT യെ കുറിച്ച് പഠിക്കുന്നത്.
തന്റെ പുതിയ വര്‍ക്കുകള്‍ എന്‍ എഫ് ടിയില്‍ അവതരിപ്പിച്ചതോടെ പ്രതീക്ഷകള്‍ക്കപ്പുറം അത് ജനകീയമായി.അതോടെയാണ് അജയ് പുരുഷോത്തമന്‍ തന്നിലെ ആര്‍ട്ട് ഡിസൈനറെ പരമ്പരാഗതമായ അതിര്‍വരമ്പുകള്‍ക്കപ്പുറം കാലത്തിന്റെ നൂതന സാധ്യതകളിലേക്ക് വികസിപ്പിക്കണമെന്ന് തീരുമാനിക്കുന്നത്.ആ പാത ശരിയായതിനാലാണ് അജയ്-യുടെ കലാവൈദഗ്ധ്യം ‘എന്‍എഫ്ടി’ യുടെ രൂപത്തില്‍ ഇന്ന് ആഗോള ശ്രദ്ധ നേടുന്നത്.
സമീപകാലത്ത് നമ്മുടെ സമ്പത്ത് വ്യവസ്ഥയില്‍ ഏറെ പ്രചാരം നേടുന്ന ‘ക്രിപ്‌റ്റോ കറന്‍സി’ പോലെ മൂല്യവര്‍ധനവുള്ള മറ്റൊന്നാണ് ‘NFT’ അഥവാ നോണ്‍ ഫഞ്ചിബിള്‍ ടോക്കണ്‍. അതായത് ഒരു കലാകാരന്റെ ഭാവനയില്‍ തീര്‍ത്ത, തികച്ചും അപൂര്‍വമായ, മറ്റൊന്നിനാല്‍ പകരം വയ്ക്കാന്‍ കഴിയാത്ത, ഡിജിറ്റല്‍ ആര്‍ട്ടുകളെയാണ് NFT എന്നതുകൊണ്ട് ഉദ്ദേശിക്കുന്നത്. അനുദിനം മൂല്യം വര്‍ദ്ധിക്കുന്ന ഒരു ഡിജിറ്റല്‍ അസറ്റായി കരുതാനും സാമ്പത്തിക കൈമാറ്റത്തിന് ഫലപ്രദമായി ഉപയോഗിക്കാനും ചഎഠ മികച്ച ഓപ്ഷനാണ്.
ഇവിടെ അജയ് വികസിപ്പിച്ച ഓരോ എന്‍ എഫ് ടിയും വളരെ യൂണീക്കായതും ആര്‍ട്ടിസ്റ്റിക് മൂല്യമേറിയതുമാണ്. അതുകൊണ്ടുതന്നെ ഗ്ലോബല്‍ NFT കമ്മ്യൂണിറ്റികളില്‍ തരംഗമാണ് ഈ കലാകാരനും അദ്ദേഹത്തിന്റെ സൃഷ്ടികളും. ബ്ലോക്ക് ചെയിനിന്റെ സാധ്യതകള്‍ ചര്‍ച്ച ചെയ്യുന്ന 3.0 TV പോലുള്ള പ്ലാറ്റ്‌ഫോമുകളില്‍ അജയ് – യുടെ ആശയങ്ങള്‍ പങ്കുവയ്ക്കപ്പെട്ടിട്ടുണ്ട്. ഇതുകൂടാതെ ഇന്ത്യയുടെ പ്രമുഖ ലീഡിങ് ന്യൂസ് പേപ്പറുകളിലും അദ്ദേഹത്തിന്റെ നിരവധി ഫീച്ചറുകള്‍ വന്നിട്ടുണ്ട്. N-FT ടൊക്കണുകള്‍ക്ക് പുറമെ മറ്റ് ഡിജിറ്റല്‍ ക്രിയേറ്റീവ് പ്രോജക്ടുകളും അജയ് പുരുഷോത്തമന്‍ ചെയ്തു വരുന്നു.
Lenovo, Logitech തുടങ്ങിയ വ്യവസായ ഭീമന്മാര്‍ ഇന്ന് അജയ് -യുടെ ക്ലെയ്ന്റാണ്. എല്ലാ സംരംഭത്തിനും പൂര്‍ണപിന്തുണയുമായി അദ്ദേഹത്തിന്റെ ഭാര്യയും ഒപ്പമുണ്ട്.’ ‘ @ajinambi’ എന്ന ഒഫീഷ്യല്‍ ഇന്‍സ്റ്റഗ്രാം പേജില്‍ ഷോക്കേസ് ചെയ്തിട്ടുള്ള അജയ് പുരുഷോത്തമന്റെ എന്‍ എഫ് ടി ആര്‍ട്ട് വര്‍ക്കുകള്‍ക്ക് നിലവില്‍ ധാരാളം ഗ്ലോബല്‍ ഓഡിയന്‍സ് ഉണ്ട്.
AIയുടെ പൂര്‍ണമായ രീതിയിലുള്ള ഉപയോഗമാണ് തന്റെ നേട്ടങ്ങള്‍ക്ക് പിന്നിലെന്ന് അജയ് പറയുന്നു. അതിരുകളില്ലാത്ത സര്‍ഗാത്മകതയും ഭാവനയുമെല്ലാം AIലൂടെ സാധ്യമാണ്. പുതിയ ആശയങ്ങളും ഡിസൈനുകളുമെല്ലാം ആര്‍ട്ടിഫിഷ്യല്‍ ഇന്റലിജന്‍സ് ഉപയോഗിച്ച് ക്രിയാത്മകമായി വളരെ വേഗത്തില്‍ വികസിപ്പിച്ചെടുക്കാന്‍ കഴിയുന്നു. ക്രിയാത്മകമായ എന്തിനും ഏതിനും എപ്പോഴും കൂട്ടായി നില്ക്കുന്ന ഒരു സന്തത സഹചാരിയാണ് അജയ്ക്ക് AI. ഇനിയും കൂടുതല്‍ ഉയരങ്ങള്‍ താണ്ടാന്‍ തനിക്ക് കഴിയുമെന്ന് അജയ് പറയുന്നു.
