തിരുവനന്തപുരം: രാജ്യത്ത് ഡീസല്‍ വില വീണ്ടും കൂടി. ഒരു ലിറ്റര്‍ ഡീസലിന് 26 പൈസയാണ് കൂടിയിരിക്കുന്നത്. കഴിഞ്ഞ രണ്ട് ദിവസത്തിനിടെ ഡീസലിന് 48 പൈസയാണ് രാജ്യത്ത് കൂടിയത്. ഒരു ലിറ്ററിന് 94.05 രൂപയാണ് കൊച്ചിയിലെ ഇന്നത്തെ ഡീസല്‍ വില. 95.87 രൂപയാണ് തിരുവനന്തപുരത്തെ ഡീസല്‍ വില. കോഴിക്കോട് 94.24 രൂപയാണ് വില. എന്നാല്‍, പെട്രോള്‍ വിലയില്‍ മാറ്റമില്ല. ഇന്നും 101.48 രൂപയാണ് പെട്രോള്‍ വില.
ആഗോള വിപണിയില്‍ ബ്രെന്റ് ക്രൂഡോയിലിന്റെ വില 0.84 ഡോളര്‍ ഉയര്‍ന്നു. ബാരലിന് 78.09 ഡോളറാണ് ബ്രെന്റ് ക്രൂഡിന്റെ വില. വരും ദിവസങ്ങളിലും അന്താരാഷ്ട്ര വിപണിയില്‍ എണ്ണവില വര്‍ധിക്കാനാണ് സാധ്യത. ഇത്? ഇന്ത്യന്‍ വിപണിയിലും പ്രതിഫലിച്ചേക്കും.
