സംസ്ഥാനത്ത് കോവിഡ് 19 പ്രതിരോധ പ്രവര്‍ത്തനങ്ങള്‍ക്കായി സംസ്ഥാന സര്‍ക്കാര്‍ ആരംഭിച്ച സന്നദ്ധ പ്രവര്‍ത്തകരുടെ രജിസ്ട്രഷന്‍ മുപ്പതിനായിരം കവിഞ്ഞു. അടിയന്തര സാഹചര്യം പരിഗണിച്ച് 20 വയസിനും 40 വയസിനും ഇടയില്‍ പ്രായമുള്ളവരെ ഉള്‍പ്പെടുത്തി 2,36,000 പേര്‍ അടങ്ങുന്ന സേനക്കാണ് രൂപം നല്‍ക്കുന്നത്. ഭക്ഷണവും ഭക്ഷ്യവസ്തുക്കളും എത്തിക്കൽ, മറ്റു സംവിധാനങ്ങൾക്ക് കണ്ടെത്താൻ കഴിയാത്തവരെ ആശുപത്രിയിൽ എത്തിക്കുക, ആവശ്യമെങ്കിൽ ആശുപത്രിയിൽ കൂട്ടിരിക്കുക തുടങ്ങിയ ആവശ്യങ്ങൾക്കായാണ് സന്നദ്ധ സേന രൂപീകരിക്കുന്നത്.
ഇതില്‍ അംഗം ആകുന്നതിനായി www.sannadham.kerala.gov.in എന്നീ വെബ്‌ പോര്‍ട്ടലുകള്‍ വഴി രജിസ്റ്റര്‍ ചെയ്യാവുന്നതാണ്. കൂടുതല്‍ വിവരങ്ങള്‍ക്ക് ടോല്‍ ഫ്രീ നമ്പറായ 155300 (BSNL നിന്നും വിളിക്കുമ്പോള്‍) മറ്റുള്ള നെറ്റ്‌വര്‍ക്കുകളില്‍ നിന്നും ഡയല്‍ ചെയ്യുന്നവര്‍ STD കോഡായ 0471 മുന്നേ ചേര്‍ക്കുക.
