പാഷനില്‍ നിന്ന് പ്രൊഫഷണിലേക്ക്; വിശ്വാസത്തിന്റെ വെളിച്ചവുമായി ഹരിശ്രീയുടെ Lightbox Capture
സ്വപ്‌നങ്ങളെ യാഥാര്‍ഥ്യമാക്കാന്‍ വലിയ തുടക്കങ്ങളെക്കാള്‍ ആവശ്യം വ്യക്തമായ കാഴ്ചപ്പാടും കഠിനാധ്വാനവും സ്വന്തം കഴിവിലുള്ള വിശ്വാസവുമാണ്. വാടകയ്ക്ക് ക്യാമറയെടുത്ത് വര്‍ക്കുകള്‍ ആരംഭിച്ച ഹരിശ്രീ ഇന്ന് സ്വന്തം വെഡ്ഡിങ് കമ്പനിയുമായി മുന്നേറുകയാണ്. ഫോട്ടോഗ്രഫിയോടുള്ള പാഷനെ പ്രൊഫഷണല്‍ മികവാക്കി മാറ്റിയ ഈ യാത്രയുടെ പേരാണ് Lightbox Capture.
എറണാകുളം വാഴക്കാല സ്വദേശിയായ ഹരിശ്രീയുടെ ഫോട്ടോഗ്രഫി മേഖലയിലെ അനുഭവസമ്പത്ത് 16 വര്‍ഷത്തോളം നീളുന്നതാണ്. സ്റ്റുഡിയോയില്‍ 12 വര്‍ഷത്തോളം ജോലി ചെയ്ത് ഈ മേഖലയില്‍ സ്വന്തമാക്കിയ അനുഭവസമ്പത്തുമായാണ് അദ്ദേഹം സ്വന്തമായൊരു സംരംഭം ആരംഭിച്ചത്.
മൂന്ന് വര്‍ഷം മുമ്പ് സ്വന്തം വെഡ്ഡിങ് കമ്പനിക്ക് തുടക്കമിട്ട ഹരിശ്രീ ഇന്ന് Lightbox Capture.എന്ന ബ്രാന്‍ഡിലൂടെ വിവാഹ ഫോട്ടോഗ്രഫി മേഖലയിലെ തന്റെ സാന്നിധ്യം ശക്തമാക്കുകയാണ്. പരിമിതമായ സൗകര്യങ്ങളില്‍ തുടങ്ങിയ യാത്ര ഇന്ന് സ്വന്തമായൊരു ബ്രാന്‍ഡ് കെട്ടിപ്പടുക്കുന്നതിലേക്കെത്തിയിരിക്കുന്നു.
വിവാഹം ഓരോ വ്യക്തിയുടെയും ജീവിതത്തിലെ ഏറ്റവും വിലപ്പെട്ട മുഹൂര്‍ത്തങ്ങളിലൊന്നാണ്. ആ ദിവസത്തെ സന്തോഷവും വൈകാരിക നിമിഷങ്ങളും മനോഹരമായ ഫ്രെയിമുകളില്‍ പകര്‍ത്തുകയെന്നത് കേവലം ചിത്രങ്ങളെടുക്കുന്നതിനപ്പുറം ഉത്തരവാദിത്തമുള്ള ജോലിയാണ്. ഓരോ കസ്റ്റമറുടെയും താല്‍പ്പര്യങ്ങളും കാഴ്ചപ്പാടുകളും മനസ്സിലാക്കി അവര്‍ക്കിഷ്ടപ്പെട്ട രീതിയില്‍ വര്‍ക്ക് ഒരുക്കുന്നതിനാണ് ഹരിശ്രീ പ്രാധാന്യം നല്‍കുന്നത്. കസ്റ്റമറുടെ ആവശ്യങ്ങള്‍ക്കനുസരിച്ചുള്ള സമീപനവും മികച്ച വര്‍ക്ക് ക്വാളിറ്റിയും Lightbox Capture ന്റെ പ്രവര്‍ത്തനശൈലിയുടെ പ്രധാന സവിശേഷതകളാണ്.
കടുത്ത മത്സരം നിലനില്‍ക്കുന്ന വെഡ്ഡിങ് ഫോട്ടോഗ്രഫി മേഖലയില്‍ ഗുണനിലവാരത്തിലൂടെയും കസ്റ്റമറുടെ സംതൃപ്തിയിലൂടെയും മുന്നേറാനാണ് ഹരിശ്രീയുടെ ശ്രമം. പരസ്യങ്ങള്‍ക്കപ്പുറം ഉപഭോക്താക്കളുടെ അനുഭവങ്ങളിലൂടെയും ശുപാര്‍ശകളിലൂടെയും പുതിയ വര്‍ക്കുകള്‍ ലഭിക്കുന്നത് ഈ വിശ്വാസത്തിന്റെ തെളിവാണ്.
വെഡ്ഡിങ് ഫോട്ടോഗ്രഫിക്കൊപ്പം ഫ്രീലാന്‍സ് പരസ്യപ്രവര്‍ത്തനങ്ങളിലും ഹരിശ്രീ സജീവമാണ്. ഭാവിയില്‍ വെഡ്ഡിങ് മേഖലയിലെ പ്രവര്‍ത്തനങ്ങള്‍ കൂടുതല്‍ വിപുലീകരിക്കുന്നതിനൊപ്പം അഡ്വര്‍ടൈസിങ് രംഗത്തും ശക്തമായൊരു സാന്നിധ്യം സൃഷ്ടിക്കുകയാണ് ലക്ഷ്യം. ആശയങ്ങള്‍ക്ക് കൂടുതല്‍ പ്രാധാന്യം നല്‍കുന്ന ഈ മേഖലയില്‍ സ്വന്തം കഴിവുകള്‍ വികസിപ്പിച്ച് പുതിയ സാധ്യതകള്‍ കണ്ടെത്താനുള്ള ഒരുക്കത്തിലാണ് ഹരിശ്രീ.
ഈ യാത്രയില്‍ ഭാര്യ വൈഷ്ണവിയുടെയും കുടുംബത്തിന്റെയും പിന്തുണയും നിര്‍ണായകമാണ്. ഒരു സംരംഭം വളര്‍ത്തിയെടുക്കുമ്പോള്‍ നേരിടേണ്ടിവരുന്ന വെല്ലുവിളികള്‍ക്കിടയില്‍ കുടുംബത്തിന്റെ പ്രോത്സാഹനം വലിയ കരുത്താണെന്ന് ഹരിശ്രീയുടെ അനുഭവം വ്യക്തമാക്കുന്നു.
ഓരോ ഫ്രെയിമിലും ഒരു കഥയും ഓരോ വര്‍ക്കിലും ഒരു വ്യക്തിമുദ്രയും പതിപ്പിച്ച് മുന്നേറുന്ന Lightbox Capture ന് മുന്നിലുള്ളത് കൂടുതല്‍ വലിയ സാധ്യതകളാണ്. വര്‍ഷങ്ങളുടെ അനുഭവവും ഗുണനിലവാരത്തോടുള്ള പ്രതിബദ്ധതയും കസ്റ്റമറുടെ ഇഷ്ടങ്ങള്‍ക്ക് നല്‍കുന്ന പരിഗണനയും ഒത്തുചേരുമ്പോള്‍ ഏതൊരു സംരംഭവും വിശ്വാസമുള്ള ബ്രാന്‍ഡായി വളരുന്നു. പാഷനെ കൈവിടാതെ, ഓരോ അവസരത്തെയും പുതിയ തുടക്കമായി കണ്ട് മുന്നേറുന്ന ഹരിശ്രീയുടെ അടുത്ത ലക്ഷ്യം കൂടുതല്‍ മനോഹരമായ ഫ്രെയിമുകള്‍ക്കൊപ്പം Lightbox Capture നെ പുതിയ മേഖലകളിലേക്കും ഉയരങ്ങളിലേക്കും എത്തിക്കുക എന്നതാണ്.
https://www.instagram.com/lightbox_capture?stkn=MTd4bzJmaXZlMTN0Zg%3D%3D
https://www.instagram.com/harisreekalarikkal?stkn=MTlmNTlsaGpocDV1OA%3D%3D
