ലോകം ചുറ്റാം ഈ ഓണത്തിന്…മികച്ച ടൂര്‍ പാക്കേജുകളുമായി അല്‍ രിഹ്ല ട്രാവല്‍സ്
മലയാളികളുടെ ദേശീയ ഉത്സവമായ ഓണം എന്നും പഴമയുടെയും ഓര്‍മ്മകളുടെയും ഒരു കലവറ തന്നെയാണ്. നാടന്‍ തനിമയിലുള്ള ഓണാഘോഷം ഒരു മലയാളിക്കും അത്ര പെട്ടെന്നൊന്നും മറക്കാന്‍ കഴിയില്ല. കാലം മാറുമ്പോള്‍ ആഘോഷങ്ങളുടെ രീതിയും മാറണം. ഈ ഓണം നമുക്കൊന്ന് വിദേശത്ത് ആഘോഷിച്ചാലോ?
എന്നാല്‍ നിങ്ങള്‍ റെഡി ആയിക്കോളൂ…
കേവലം 79500 രൂപയ്ക്ക് ദുബായ് നഗരം മുഴുവന്‍ കണ്ടു മടങ്ങിവരാന്‍ ഇതാ ഒരു സുവര്‍ണാവസരം…
ഈ ഓണത്തെ കൂടുതല്‍ മനോഹരമാക്കുവാന്‍ മികച്ച ടൂര്‍ പാക്കേജുകളാണ് അല്‍ രിഹ്ല ട്രാവല്‍സ് കസ്റ്റമേഴ്‌സിനായി ഒരുക്കിയിരിക്കുന്നത്. സെപ്റ്റംബര്‍ 16 മുതല്‍ 20 വരെ ഏതാണ്ട് അഞ്ച് ദിവസത്തെ യാത്ര. ബുര്‍ജ് ഖലീഫ, ദുബായ് ഫ്രെയിം, ഡെസേര്‍ട്ട് സഫാരി, ക്രൂയിസില്‍ യാത്ര, അബുദാബിയില്‍ ഏകദിന സിറ്റി ടൂര്‍ തുടങ്ങി അഞ്ചുദിന പാക്കേജില്‍ ഒട്ടനവധി സര്‍പ്രൈസുകളാണ് അല്‍ രിഹ്ല കസ്റ്റമേഴ്‌സിനായി ഒരുക്കിയിരിക്കുന്നത്. കൂടാതെ ഈ ഓണം പാക്കേജില്‍ നിങ്ങളോടൊപ്പം ഓണം ആഘോഷിക്കാന്‍ പ്രശസ്ത സിനിമാതാരവും RJ യുമായ മിഥുനും ഇത്തവണ അല്‍ രിഹ്ലയ്‌ക്കൊപ്പം…
ഓണത്തിന് വ്യത്യസ്തമായ ഒരു അനുഭൂതി തന്നെ വാഗ്ദാനം ചെയ്യുകയാണ് അല്‍ രിഹ്ല ട്രാവല്‍സ്. മികവിലും സേവനത്തിലും എന്നും വ്യത്യസ്തത പുലര്‍ത്തുന്ന ട്രാവല്‍ പാര്‍ട്ണര്‍ തന്നെയാണ് അല്‍ റിഹ്ല. 2015 ല്‍ വളരെ ചെറിയ രീതിയില്‍ ചെറിയ ടൂര്‍ പാക്കേജുകളിലൂടെ തുടക്കം കുറിച്ച അല്‍ രിഹ്ല ട്രാവല്‍സ് ഇന്ന് ടൂര്‍ പാക്കേജുകളുടെയും സേവനത്തിന്റെയും കാര്യത്തില്‍ മികച്ച ട്രാവല്‍സുകളില്‍ ഒന്നായി മാറിയത് പ്രവര്‍ത്തനത്തിലെ മികവ് ഒന്നുകൊണ്ടുതന്നെയാണ്.
അല്‍ രിഹ്ല ട്രാവല്‍സ് : വളര്‍ച്ചയുടെ നാള്‍വഴികള്‍
പൊന്നാനി സ്വദേശിയായ ബര്‍ക്കത്തുള്ള അബ്ദുല്‍ഖാദറിന്റെ സ്വപ്‌ന സംരംഭമാണ് അല്‍ രിഹ്ല ട്രാവല്‍സ്. ഏതൊരു വ്യക്തിയും പോലെ ജീവിതത്തില്‍ വിജയിക്കണമെന്ന വാശിയുമായാണ് ബര്‍ക്കത്തുള്ള അബ്ദുല്‍ ഖാദര്‍ ജന്മനാട്ടില്‍ നിന്നും ജോലിക്ക് വേണ്ടി മുംബൈയിലേക്കും ദുബായിലേക്കുമൊക്കെയുള്ള പറിച്ചു നടലിനു വിധേയനാകുന്നത്.
മറ്റുള്ളവരുടെ കീഴില്‍ ജോലി ചെയ്യുമ്പോഴും സ്വന്തം നാട്ടില്‍ സ്വന്തമായൊരു സംരംഭം എന്നത് അദ്ദേഹത്തിന്റെ നെഞ്ചിലെ ഏറ്റവും വലിയ സ്വപ്‌നമായിരുന്നു. 24 വര്‍ഷങ്ങള്‍ക്കു മുന്‍പ് കൃത്യമായി പറഞ്ഞാല്‍ 2002ല്‍ ബോംബെയിലെ ഒരു പ്രമുഖ ട്രാവല്‍ കമ്പനിയില്‍ എത്തിയതോടെയാണ് ബര്‍ക്കത്തുള്ള അബ്ദുല്‍ ഖാദര്‍ ട്രാവല്‍ ആന്‍ഡ് ടൂറിസം മേഖലയിലേക്ക് ഏത്തപ്പെടുന്നതും അന്ന് മുതലാണ് തന്റെ സംരംഭം എന്താണെന്ന് അദ്ദേഹം മനസ്സില്‍ ഉറപ്പിച്ചതും.
ജീവിത വിജയത്തിനായി ആത്മധൈര്യവും കഠിനാധ്വാനവും കൈമുതലായി മുറുകെപ്പിടിച്ച് കര്‍മനിരതനായിരുന്നു പിന്നീടുള്ള നാളുകള്‍. ബോംബെയിലെ ജോലിക്ക് ശേഷം കുറച്ചുകൂടി സാമ്പത്തിക ഭദ്രതയ്ക്കായി വിദേശത്തേക്കുള്ള യാത്ര. ദുബായില്‍ വിവിധ ട്രാവല്‍ കമ്പനികളില്‍ ഉയര്‍ന്ന തസ്തികകളില്‍ ജോലിചെയ്തു. ഓരോ സ്ഥാപനങ്ങളില്‍ ജോലി ചെയ്യുമ്പോഴും തന്റെ സംരംഭത്തിന് വേണ്ട അറിവും അനുഭവങ്ങളും അദ്ദേഹം സ്വായത്തമാക്കിക്കൊണ്ടിരുന്നു.
ഒടുവില്‍ 2015ല്‍ തന്റെ സ്വപ്‌നങ്ങള്‍ക്ക് യാഥാര്‍ത്ഥ്യത്തിന്റെ പരിവേഷം നല്‍കാന്‍ അദ്ദേഹം തീരുമാനിച്ചു. പൊന്നാനിയില്‍ ചെറിയ രീതിയില്‍ അല്‍ റിഹ്ല ട്രാവല്‍സ് എന്ന സ്ഥാപനത്തിന് തുടക്കം കുറിച്ചു. ഏതൊരു തുടക്കക്കാരനെയും പോലെ പ്രതിസന്ധികളുടെ കല്ലും മുള്ളും ചവിട്ടിയുള്ള യാത്രകള്‍ തന്നെയായിരുന്നു ബര്‍ക്കത്തുള്ള അബ്ദുല്‍ ഖാദറിനും. പക്ഷേ എത്രയൊക്കെ കഠിനതകള്‍ നേരിടേണ്ടി വന്നാലും തന്നിലേക്ക് എത്തപ്പെടുന്ന ഓരോ ഉപഭോക്താവിനും ഒരു ചതിക്കും വഞ്ചനയ്ക്കും വിധേയമാക്കപ്പെടാതെ തികച്ചും മികച്ച സേവനം നല്‍കണമെന്ന ദൃഢനിശ്ചയം ആയിരുന്നു അല്‍ റിഹ്ല ട്രാവല്‍സിന്റെ നേട്ടങ്ങളില്‍ ഒന്ന്.
ചുരുങ്ങിയ കാലയളവിനുള്ളില്‍ തന്നെ ഉപഭോക്താക്കളുടെ ഉള്ളില്‍ വിശ്വാസവും മികച്ച സേവന ദാതാവ് എന്ന പേര് സൃഷ്ടിച്ചെടുക്കാന്‍ കഴിഞ്ഞത് ബര്‍ക്കത്തുള്ള അബ്ദുല്‍ഖാദറിന്റെ സ്വപ്‌നസാക്ഷാത്കാരത്തിന് ഒന്നുകൂടി മികവ് നല്‍കി. 2019ലെ അവസാനം വരെ നാട്ടില്‍ സജീവമായി തന്നെ അബ്ദുല്‍ഖാദര്‍ തുടര്‍ന്നു.
ചെറിയ ടൂര്‍ പാക്കേജുകളില്‍ നിന്നും വിട്ടുമാറി പിന്നീട് വലിയ പാക്കേജുകളിലേക്കുള്ള ചേക്കേറ്റം… ഇന്ത്യയ്ക്ക് അകത്തും പുറത്തും മികച്ച സൗഹൃദബന്ധങ്ങള്‍… വിദേശ ടൂര്‍ പാക്കേജുകള്‍ എല്ലാവിധ സൗകര്യങ്ങളോടുകൂടി ഉപഭോക്താക്കളിലേക്ക് മികച്ച ബഡ്ജറ്റില്‍ നല്‍കുന്ന ട്രാവല്‍ പാര്‍ട്ണര്‍ കൂടിയാണ് അല്‍ രിഹ്ല…
കേരളത്തിലെയും ഇന്ത്യയിലെയും പ്രമുഖ ബിസിനസുകാര്‍ പോലും അവരുടെ യാത്രകള്‍ മനോഹരമാക്കുന്നതിനായി അല്‍ രിഹ്ലയുടെ സേവനം തേടിയെത്തുന്നു എന്നത് ഈ സംരംഭത്തിന് ജനങ്ങള്‍ നല്‍കുന്ന സ്വീകാര്യതയെ ചൂണ്ടിക്കാണിക്കുന്നു. ലാഭത്തില്‍ മാത്രം ശ്രദ്ധ കേന്ദ്രീകരിക്കാതെ മാന്യമായ ലാഭം മാത്രം സ്വീകരിച്ച് മികവുറ്റ സേവനം നല്‍കുന്നു എന്നത് ഇവരുടെ പ്രത്യേകതയാണ്. മികച്ച വിദേശ കമ്പനികളായ ദുബായിലെ പെന്‍ഗിന്‍ അഡ്വര്‍ടൈസിംഗ്, ഗ്ലോബല്‍ ട്രിപ്പ് തുടങ്ങിയ സ്ഥാപനങ്ങള്‍ അബ്ദുല്‍ ഖാദര്‍ എന്ന സംരംഭകന്റെ സ്ഥാപനത്തിന്റെ പങ്കാളിത്തത്തോടുകൂടിയാണ് മുന്നോട്ടുപോകുന്നത്.
പൊന്നാനിയുടെ മണ്ണില്‍ നിന്നും ആരംഭിച്ച ഈ യാത്ര ഇന്ന് യുഎഇയിലും സ്വന്തമായൊരു ബ്രാഞ്ച് എന്ന നിലയിലേക്ക് ഉയര്‍ന്നുനില്‍ക്കുന്നു. ഒരു സാധാരണക്കാരന്റെ സ്വപ്‌നങ്ങള്‍ക്ക് പരിമിതികളില്ല എന്നും ആകാശത്തിന്റെ ഏതു കോണിലും അവന് ചിറകുകള്‍ വിടര്‍ത്തി പറക്കാന്‍ സാധിക്കുമെന്നും തന്റെ ജീവിതത്തിലൂടെ നമുക്കു മുന്നില്‍ തെളിയിച്ച വ്യക്തിയാണ് ബര്‍ക്കത്തുള്ള അബ്ദുല്‍ ഖാദര്‍.
ഓരോ സന്ദര്‍ഭങ്ങള്‍ക്ക് അനുയോജ്യമായ ടൂര്‍ പാക്കേജുകളാണ് ഇദ്ദേഹം എപ്പോഴും ഉപഭോക്താക്കള്‍ക്കായി നല്‍കുന്നത്. ആഘോഷങ്ങള്‍ക്ക് പ്രായമോ ജാതിയോ മതമോ ഇല്ല… ഏതൊരു സന്ദര്‍ഭമായിരുന്നാലും ഓരോ യാത്രകളെയും എങ്ങനെ വ്യത്യസ്തത ഉള്ളതാക്കാം എന്ന ചിന്തയാണ് അല്‍ രിഹ്ല ട്രാവല്‍സിന് ഉള്ളത്… ഈ ഓണത്തിനും അല്‍ രിഹ്ല സര്‍പ്രൈസസുകളുടെ കൂമ്പാരവും നിറച്ചാണ് ടൂര്‍ പാക്കേജുകള്‍ അറേഞ്ച് ചെയ്തിരിക്കുന്നത്…
ട്രാവല്‍ ആന്‍ഡ് ടൂറിസം മേഖലയില്‍ വ്യത്യസ്തത പുലര്‍ത്തിക്കൊണ്ടുതന്നെ ശ്രദ്ധേയമാവുകയാണ് അല്‍ റിഹ്ല ട്രാവല്‍സും ബര്‍ക്കത്തുള്ള അബ്ദുല്‍ഖാദര്‍ എന്ന ഈ പൊന്നാനി സ്വദേശിയും.
