Noraz Makeover ; സൗന്ദര്യ സേവനത്തില് വിശ്വാസത്തിന്റെ കയ്യൊപ്പ്
കേരളത്തിലെ മേക്കപ്പ് രംഗം അതിവേഗം മാറ്റങ്ങളിലൂടെ കടന്നുപോകുന്ന ഈ കാലത്ത്, ട്രെന്ഡുകളേക്കാള് മേലെ നിലകൊള്ളുന്നത് സ്ഥിരതയും വിശ്വാസവുമാണ്. സേവനത്തിലെ ഗുണനിലവാരവും കസ്റ്റമര് റിലേഷനും കൈവിടാതെ മുന്നേറുന്ന ബ്രാന്ഡുകളാണ് ദീര്ഘകാലം നിലനില്ക്കുന്നത്. അത്തരത്തില് സ്വന്തം നിലപാടുകളിലൂടെ വളര്ന്നുവന്ന ബ്രാന്ഡാണ് Noraz Makeover.
കാക്കനാട് സ്വദേശിനിയായ ദേവിക ദിലീഷ് നയിക്കുന്ന ഈ ബ്യൂട്ടി സംരംഭം, എറണാകുളം പുത്തന്കുരിശ് കേന്ദ്രീകരിച്ചാണ് പ്രവര്ത്തിക്കുന്നത്. കോവിഡ് കാലത്ത് മേക്കപ്പ് കോഴ്സ് പൂര്ത്തിയാക്കി ഈ മേഖലയിലേക്ക് കടന്നുവന്ന ദേവിക, അഞ്ച് വര്ഷത്തിലധികമായി ഫ്രീലാന്സ് മേക്കപ്പും പാര്ലര് സേവനങ്ങളും വിജയകരമായി കൈകാര്യം ചെയ്ത് വരികയാണ്. അനിശ്ചിതത്വങ്ങള് നിറഞ്ഞ കാലത്ത് തുടങ്ങിയൊരു ശ്രമം, വ്യക്തമായ കാഴ്ചപ്പാടും കഠിനാധ്വാനവും കൊണ്ട് സ്ഥിരതയുള്ള ഒരു ബ്രാന്ഡായി വളര്ന്നതാണ് Noraz Makeover.
ഫ്രീലാന്സ് മേക്കപ്പ് രംഗത്ത് കഴിവ് തെളിയിച്ച ദേവിക, ഇന്ന് സെലിബ്രിറ്റി മേക്കപ്പ് ആര്ട്ടിസ്റ്റെന്ന നിലയിലും ശ്രദ്ധേയയായിട്ടുണ്ട്. വിവിധ സെലിബ്രിറ്റി മേക്കോവര് വര്ക്കുകളിലൂടെ സ്വന്തമായൊരു സിഗ്നേച്ചര് സ്റ്റൈല് രൂപപ്പെടുത്താനും അവര്ക്കായി.
ഫേഷ്യല്, മാനിക്യുര്, പെഡിക്യൂര്, ഹെയര് ട്രീറ്റ്മെന്റുകള് ഉള്പ്പെടെ ഒരു പാര്ലറില് ലഭിക്കേണ്ട എല്ലാ ബ്യൂട്ടി സേവനങ്ങളും ഇവിടെ ഒരുക്കിയിട്ടുണ്ട്. കേരളമാകെ വിവിധ ഇടങ്ങളിലായി മേക്കോവര് വര്ക്കുകള് ചെയ്തുകൊണ്ട്, ദേവിക തന്റെ പ്രവര്ത്തന പരിധി പുത്തന്കുരിശിന്റെ അതിര്ത്തികള്ക്കപ്പുറത്തേക്കും വ്യാപിപ്പിച്ചിരിക്കുകയാണ്.
Noraz Makeover നെ മറ്റ് സംരംഭങ്ങളില് നിന്ന് വ്യത്യസ്തമാക്കുന്നത്, ഓരോ ക്ലെയ്ന്റിന്റെയും സ്കിന് ടോണിനും മുഖസൗന്ദര്യത്തിനും അനുയോജ്യമായ മേക്കപ്പ് സമീപനമാണ്. മേക്കപ്പ് കോഴ്സ് പൂര്ത്തിയാക്കിയ ശേഷം ഒരു ഫോട്ടോഷൂട്ടിനായി ചെയ്ത ആദ്യത്തെ വര്ക്ക് മുതല് ഇന്നുവരെയുള്ള ഓരോ ജോലിയും ഒരേ നിലവാരത്തിലും ആത്മാര്ത്ഥതയിലുമാണ് ദേവിക കൈകാര്യം ചെയ്യുന്നത്. ക്വാളിറ്റിയില് വിട്ടുവീഴ്ച ചെയ്യാത്ത സമീപനവും മികച്ച കസ്റ്റമര് റിലേഷനും തന്നെയാണ് ഈ ബ്രാന്ഡിന്റെ ഏറ്റവും വലിയ ശക്തി.
തുടക്കകാലത്ത് നിരവധി വെല്ലുവിളികളും കടുത്ത മത്സരങ്ങളും നേരിടേണ്ടി വന്നെങ്കിലും, സ്വന്തം കഴിവിലുള്ള വിശ്വാസം ദേവികയെ പിന്നോട്ടുവലിച്ചില്ല. കുടുംബത്തിന്റെയാകെ പിന്തുണ ഈ യാത്രയില് വലിയ കരുത്തായി മാറി. ഓരോ പ്രതിസന്ധിയെയും പഠനമായി മാറ്റിയതാണ് ഇന്നത്തെ വളര്ച്ചയുടെ അടിസ്ഥാനം.
നിലവില് Noraz Makeover ന് കൂടുതല് വര്ക്കുകള് ലഭിക്കുന്നത് ഇന്സ്റ്റഗ്രാം ഉള്പ്പെടെയുള്ള സോഷ്യല് മീഡിയ പ്ലാറ്റ്ഫോമുകളിലൂടെയാണ്. ഡിജിറ്റല് ലോകത്ത് ബ്രാന്ഡിനെ പ്രൊഫഷണലായി അവതരിപ്പിച്ചുകൊണ്ട്, പുതിയ ക്ലെയ്ന്റുകളിലേക്കും പുതിയ അവസരങ്ങളിലേക്കും ദേവിക എത്തിപ്പെടുന്നു.
സ്വന്തം വളര്ച്ച മറ്റൊരാളെ തടഞ്ഞുകൊണ്ടാകരുതെന്നാണ് പുതുതായി ഈ രംഗത്തേക്ക് കടന്നുവരുന്നവര്ക്ക് ദേവിക നല്കുന്ന സന്ദേശം.
ഒരു മേക്കപ്പ് ആര്ട്ടിസ്റ്റായി കേരളമാകെ അറിയപ്പെടുക, അതിലൂടെ Noraz Makeover എന്ന ബ്രാന്ഡിനെയും പാര്ലറിനെയും കൂടുതല് ഉയരങ്ങളിലേക്ക് എത്തിക്കുകയെന്നതാണ് ദേവിക ദിലീഷിന്റെ ലക്ഷ്യം. സ്ഥിരതയും വിശ്വാസവും കൈവിടാതെ മുന്നേറുന്ന ഈ യാത്ര, Noraz Makeover നെ ഒരു ശക്തമായ ബ്യൂട്ടി ബ്രാന്ഡായി മാറ്റിക്കൊണ്ടിരിക്കുകയാണ്.
