ന്യൂഡല്‍ഹി: തുടര്‍ച്ചയായി 20 ദിവസത്തിന് ശേഷം കേരളത്തില്‍ ഡീസല്‍ വിലയില്‍ വര്‍ധനവ്. ലിറ്ററിന് 23 പൈസയാണ് കൂടിയത്. നിലവില്‍ കൊച്ചിയില്‍ ഡീസല്‍ വില ലിറ്ററിന് 93.72 രൂപയായി ഉയര്‍ന്നു. അതെ സമയം പെട്രോള്‍ വില ലിറ്ററിന് 101.41 രൂപയാണ്. ജൂലൈ 15 നായിരുന്നു നേരത്തെ വിലയില്‍ മാറ്റം വന്നത്.
കേരളത്തില്‍ പെട്രോള്‍ വിലയില്‍ കാര്യമായി മാറ്റമില്ലാതെ തുടരുകയാണ്. ഇന്ധന വില ജിഎസ്ടിയുടെ പരിധിയില്‍ കൊണ്ടുവരാന്‍ സംസ്ഥാനങ്ങള്‍ ആഗ്രഹിക്കാത്തതാണ് പെട്രോള്‍ വില കുറയ്ക്കാന്‍ സാധിക്കാത്തത്. ഇതോടെ രാജ്യത്തിന്റെ വിവിധ ഭാഗങ്ങളില്‍ പെട്രോള്‍ വില നൂറ് കടന്നിരുന്നു.
